不論任何年齡嘅女生都會面對大大小小唔同嘅胸型問題，包括大細胸、胸下垂、胸外擴、副乳問題等。而副乳問題幾乎係大部分女生會遇到嘅煩惱，受影響嘅唔單止係胸型，仲會造成手臂粗壯等連帶問題。即使係身形瘦削嘅女生，都一樣會受到副乳問題嘅困擾。

究竟胸圍唔合適對胸型做成咩影響？#modemarie 一文助你清楚副乳成因，有咗正確嘅觀念之後，要戰勝副乳簡直係話咁容易啦！

副乳形成成因

 不良嘅日常習慣、尺寸唔適合嘅胸圍，都可能係副乳形成嘅原因！

1. 胸罩尺寸不合

胸圍過鬆或過緊都係形成副乳嘅元凶！唔少女生都習慣單憑目測同直覺選購内衣，但事實上，太鬆或太緊嘅内衣都會令胸部脂肪無法被好好承托；繼而導致胸部移位的問題，形成副乳。除此之外，好多女生更加會着細一個size嘅胸圍，以爲咁樣擠胸部會睇起上嚟豐滿啲。其實，咁做會令超出嘅胸部脂肪無法被集中係胸圍入面。而且胸部脂肪具有一定重量，若配戴缺乏承托力嘅胸圍，會受到地心吸力的影響令胸部脂肪隨意移位；長時間擠壓、除咗會令腋下出現一條條的摺痕之外，亦會促進副乳形成！

2. 長期佩戴Sports Bra/無肩帶/幼肩帶内衣

近年流行嘅一字肩、吊帶裝都需要穿著無肩帶内衣。除咗無肩帶内衣，sports bra 同幼肩帶都缺乏承托力，亦欠奉對胸部應有的包覆性。長期穿著此等類型嘅内衣，容易出現胸部脂肪堆積的情況，形成副乳。女生們可以減少穿著此等衣著嘅習慣，或是佩戴有質素保證嘅無肩帶内衣，避免令副乳問題進一步惡化！

3. 沒有定時更換内衣

買啱内衣只係第一步！定期更換内衣亦係胸型護理中不可或缺嘅一環。長時間穿著和洗滌次數會降低胸罩的機能，變舊的內衣也會讓胸部失去應有的保護；視乎替換習慣，長期佩戴的内衣壽命大概是3-6個月，3-6個月後需要定期更換，以確保胸圍能夠發揮原本的承托功能。

除咗以上原因之外，大細胸、胸部下垂等身體因素，也可能導致副乳的形成。收副乳內衣、矯形內衣、調整型內衣等功能內衣都可以幫助緩解副乳的問題。但係最好嘅解決方法都係要學識選購並穿戴合適自己嘅內衣，避免副乳問題進一步惡化。

副乳問題解決方法（內衣篇）

選擇功能內衣嘅時候，千祈唔好只為追求美觀而忽略咗實用性和舒適度！

1. 選擇高脅邊 較包覆的内衣

成日聼人地講要著高脅邊嘅内衣，究竟高脅邊嘅内衣有咩好處？高脅邊是收副乳功能内衣嘅常見設計，呢款設計不但能夠將背肌肉好好包覆，同時亦有助將背肌肉和腋下肉領導回前面胸部，防止副乳或厚背形成！

2. 定期更換內衣

內衣係消耗品，隨著內衣穿戴與被清洗嘅次數增加，彈性就會日漸減少，令其承托力與包覆性大不如前；因此定期更換新胸圍能夠讓你胸部嘅脂肪更易被固定在應有嘅位置。每人穿戴習慣及使用頻率嘅唔同，普遍大約三個月至半年就需要更換一次新胸圍喇！

3. 選購合身內衣

好多女生更加會着細一個size嘅胸圍，以爲咁樣擠胸部會睇起上嚟豐滿啲，但其實咁做無法將所有脂肪、肉放係胸圍入面！的確好多人都存在呢個誤解，以爲着得落或者好睇就等如啱size，但但其實不然！選擇一個合適嘅內衣其實都好有學問！選擇返正確size有助包覆收緊腋下副乳。因此，女生們在選購內衣嘅時候；亦應避免單憑目測、直覺估算！

副乳問題解決方法（矯正運動篇）

 要改善副乳問題；除咗喺內衣上著手，適量嘅矯正運動都係好緊要💪🏻！

1. 靠牆半犬式 

🔸身體呈「7」字型；腰部向下屈曲，眼睛望向地下，雙手扶牆壁；保持雙腿伸直。謹記收緊腹部，挺直腰板

🔸堅持1分鐘為1組，每天做4組

2. 下犬式

🔸臀部升高，背部挺直。雙腿並攏，盡量繃直；雙掌平放，手臂撐直，頭部朝下

🔸堅持1分鐘為1組，每天做4組

3. 側平板式

🔸身體維持側平板型態，左手向上伸直，眼睛望向右手指尖。雙腿併攏伸直，左手伸直撐地

🔸兩手雙互交替各做30秒為1組，每天做4組

其實，任何胸部尺寸嘅女生都有機會遇到副乳等胸型問題，千奇唔好以爲呢件係小事而掉以輕心！不過唔需要太擔心，因為副乳問題係可以被改善㗎！跟住以上幾點嚟做，相信副乳好快可以同你講Bye Bye～