即使你嘅胸部同其他人長得有輕微差異，都唔需要感到自卑同詫異。每個人基於先天遺傳因素，導致胸部嘅形狀、顏色都唔一樣。唔少人都同我地分享過對於自身胸部嘅疑惑同困擾，以為有胸部有以下幾種情況係「唔正常」、甚至懷疑自己胸部健康出現問題！今日 #modemarie 為大家整理咗關於胸部嘅 6 個秘密；其實有咁嘅情況係好正常嘅事！

1. 左右胸部唔對稱

有啲女仔可能係青春期或懷孕期間經歷乳房發育不平衡，導致胸部一大一小嘅情況出現！但更多嘅情況係受雌性激素、荷爾蒙水平同埋睡姿嘅影響，女生乳房嘅左右兩側都會存在唔對稱嘅情況。呢種唔對稱嘅情況可能在大小、形狀、乳頭位置或乳房組織密度上有所體現。不過，大小只要相差一個罩杯以內都係正常嘅事，無須過份擔心！

2. 乳頭顏色深

乳頭顏色主要受皮膚色素沈澱所影響，與個人遺傳、種族、荷爾蒙水平和年齡等因素有關。不過，不論係淺粉紅色定還是係深啡色都係正常嘅情況，另一方面，乳房顏色變化都可能同懷孕週期有關！例如係懷孕早期，乳房和乳暈的顏色可能會突然變淺，係懷孕晚期或胚胎期結束後，顏色就會逐漸恢復到先前狀態。

3. 乳頭上有小疙瘩

隨著青春期發育，女生嘅乳暈區會出現皮脂腺形成凸起的小疙瘩，又稱「蒙氏結節」以保護乳頭及周遭皮膚，呢種都係屬於正常嘅狀況！

4. 乳頭偏大或偏小

每個人乳頭的大小同形狀都唔同，乳頭偏大或者偏小都同遺傳因素、激素涉入、成長期嘅食物同埋營養攝取有關。一般人嘅乳頭普遍直徑長 0.8-1.5 cm，高度大約 1-2 cm。但值得留意嘅係呢個只係一個大概嘅範圍，唔代表超出或者小於呢個範圍就係異常！乳頭大小嘅變化係正常嘅生理現象，唔應該單獨用嚟評估健康狀態！

5. 乳暈附近長毛

事實上，乳頭周圍都存在毛囊。係乳暈周圍長有少量毛髮都係相對正常嘅，呢類型嘅毛髮通常細小而且淺色，並唔會引起健康上嘅問題！

6. 乳頭上有白色分泌物

乳頭本身就係分泌器官，平時亦會有少量白色分泌物，如果沒有奇怪味道嘅話都係屬於正常情況。

事實上，有咁樣嘅困惑好正常，因為呢啲知識學校從來都唔會教！每個人嘅乳房形狀、外觀都唔一樣，胸部健康先係最值得我地關注嘅議題！不過如果真係過份擔心、或者胸部外觀突然出現明顯變化，求醫諮詢醫生意見，都未嘗唔係一個好方法！

Mode Marie 嘅【集中包覆】V極線胸圍，配有高脅邊低脊心機能和V型美背版型，展現迷人曲線；當中固定式肩帶更見能夠加強肩把拉、脅邊雙插片設計 穿著包覆穩定，避免走位情況！