好多女仔都有呢個誤解：以為著得好睇嘅內衣就係適合自己嘅內衣。事實上，選擇咗唔適合嘅內衣；會導致內衣移位、胸部變形等問題。

著胸圍聽落只係日常小事，其實揀岩胸圍都係大有學問。皆因著錯胸圍會帶來長期負面影響，導致內衣移位及胸部變形等等問題，絕對不容忽視；更可怕嘅係，著錯內衣嘅女仔根本唔知自己著錯內衣！#modemarie 為大家整理咗 8 個內衣沒有穿對嘅信號，快啲嚟自測一下啦！學完之後就可以揀岩胸圍，為胸部做好保護！

警號一：空杯

空杯指嘅係胸圍無法貼合胸部、沒有完全包覆胸部嘅落差現象。若胸圍尺碼過大或胸圍版型唔適合，都會引致「空杯」問題出現。喺呢個情況下，胸部亦無法得到足夠承托及支撐！

警號二：壓胸

壓胸指嘅係胸圍不足以包裹胸部，導致胸部溢出嘅情況；導致壓胸嘅主要原因通常源於罩杯太小或太淺，令胸圍未能完全包裹胸部，從而出現副乳、承托力不足等問題。

警號三：肩帶下滑

胸圍亦有佢嘅壽命；因此若一件胸圍穿戴太耐、會令肩帶彈性受損之餘，亦會令胸圍喪失本身嘅機能，導致肩帶下滑嘅情況出現。因此女生們內衣一旦調節肩帶後仍出現跌帶嘅情況，就代表內衣已經到達必須更換嘅階段！另外，每件內衣大約穿着一兩星期後就要重新調較，以防胸部愈着愈低減低承托力！

警號四：內衣往上移動

喺下圍過大嘅情況底下；只要稍微移動到肩膀手臂，內衣就會輕易向上移動，做成「走位」嘅情況！除此之外，胸圍帶過鬆亦會造成類似問題，好多女仔為求舒適，都鍾意配戴鬆一個size嘅胸圍。但其實唔適合嘅圍帶尺寸會令內衣往上移動，呢個時候就重新審視自己嘅內衣究竟係咪真係適合自己喇！

警號五：罩杯變形

胸圍罩杯主要以棉質為主，每件胸圍穿著時間太耐沒更換，清洗時無擺入胸圍專用洗衫袋，甚至晾曬或保存時無摺好胸圍，都有機會導致胸圍罩杯有摺痕或變形！長期繼續著呢類胸圍會令胸部缺乏保護，喺呢個情況下，就要換個新胸圍喇！

警號六：鋼圈變形

唔少女仔買胸圍時都會選擇有鋼圈嘅款式，務求可以令胸部擁有全面嘅承托力，令胸形變更得美；如果你發現胸圍嘅鋼圈開始變形，令胸圍無法全面貼近胸部，失去保護，亦未能呈現堅挺嘅胸形，呢個時候你就需要立即換個新胸圍！

警號七：鋼圈組織突出或斷裂

除咗變形外，胸圍鋼圈可能亦會出現其他問題，包括鋼圈組織突出或者斷裂！前者有機會刮傷你嘅肌膚導致不適，而後者更會令胸圍功能大大下降，影響胸形。如果你戴緊嘅胸圍都有以上呢類問題，就係時候同佢哋講 bye bye 喇！

警號八：胸圍發霉

相信大家見到胸圍發霉都會避之則吉，不過大家都可以嚟認識下胸圍發霉嘅原因；濕度高嘅環境令黴菌容易滋生，由於香港天氣經常潮濕悶熱，成為咗黴菌嘅有利條件。如果剛剛洗完嘅胸圍無徹底晾乾，有機會令胸圍容易發霉，而且胸圍缺乏徹底洗淨都係令黴菌容易出現嘅原因。長期使用帶有黴菌嘅胸圍會令皮膚容易敏感，引起發炎或紅疹，導致皮膚痕癢，後果可大可小！

揀個適合自己嘅胸圍絕對係人生大事，當然唔少得日常嘅胸圍妥善保存，令胸圍可以保持最佳狀態。仲未有頭緒？不如就考慮吓 Mode Marie 嘅 V 極線胸圍！令你嘅胸部可以更加集中，得到全面承托，展現更完美嘅堅挺胸形！